غبت ورجعت وجبت ولا تسأل وش جبت
وإن قلت لي وش جبت ماني بقايل
لكن تذكر مثل ما ينبت النبت
حبك نبت وسط قلبي خمايل
السبت لامن راح جاء بعده السبت
بس انت لامن رحت مالك بدايل
ما اقول ذبت بداخلي سالفة ذبت
من قال إنك غبت يكذب فلا غبت
ياللي رصيدك وسط هالقلب هايل
جتني حروفك طابت حروفك وطبت
ياللي مع الباقين مالك مثايل
ابشرك دامك نصحتن انا تبت
تايب لربي من عظيم الغعايل
كبت روحي عن هوى دنيتي كبت
من فضل ربي ما لغيره جمايل
شفني شباب واوعدك لو انا شبت
ما انساك لو شمر نست حب حايل
يمكن بحرفي صبت ويمكن فلا صبت
لكن احاول فيك كتب الجزايل
ما هبت غيرك بس في حضرتك هبت
هبت اكتب حروفي لو الشك زايل
♥♥
♥
