♥♥♥
ياشين ليلة البارح " توآرت " بإنكسآر اثنين
انا والقلب من غلطه ماهي من ضمن غلطاتي
عبث منها بدون اسباب " تشلع " مهجتي نصفين
وانا في عشقــــه حتى حرمت العين غفواتي...
رسمتك حلم "غايب "عن حياتي من يجي عامين
لقيتك علم وايدينك تعــطر كل صفحاتي
وجيت انثر لك "احسآسي" وشوقي واحتراقي لين
تركتك في وضــوح تشوف حزني وانكساراتي
ابيك تحس في همي وتلمــس" رعشة الكفين"
ابيك تحس في وجـــدي عليك وجمر زفراتي
لاني كنت احسب الحظ مثل "سهيل" للسارين
سريت ولا لقيت سهيــــل في كل اتجاهاتي
ابرحل عنك واترك لك "حكايه" داخل {القوسين}
تمتع بعدها باللي تطــــــــوله من معاناتي
ابصبر لين يشكي"الصبر" من صبري وبصــبر زين
و اروح بعيــــد وادفن صرخة احزاني وآهاتي
ولكن لو تلاقينـــــا و"خانتني" دموع العين
ترى ماهو بكـــا هذا عتب ذاتي علــى ذاتي
♥♥♥
