♥ سؤال/سألونى ..شكل الحب إيه؟ ♥
ســــؤال
..............
سألونى ..
شكل الحب إيه ؟
قلت : يااااه
أقول بس إيه !!!
أول طريق الحب ...
سعادة ما تسألش ليه
تبتسم من غير سبب ..
وبرضو معرفش ليه
تحب كل الناس ...
واللى يزعل تنده عليه
تهوى البساتين والورد ...
والطير اللى يقف عليه
تسمع ديوان الشعر ...
وتكتب برضو فيه
أصل الحب ... طريق جميل ..
آه لو تمشى فيه
و آه لو دقت ناره ...
تقول ياريت
كمان أدوووق
وآه من جنونه ...
مش عايز منه
تروووق
لما تشوف حبيبك ...
تحسه حلم ..
مش عايز منه
أبدا تفوووق
عرفتوا شكل الحب إيه ؟
برضوا مش هتعرفوا ..
لازم منه تدوووق ...
